Nedstrand kyrkje
15. juli 1868 blei Nedstrand kyrkja på Hinderåvåg vigsla. Teikna av arkitekt Conrad Fredrik von der Lippe. Den skulle romma om lag 550 mennesker og i forhald til tidlegare kyrkja var den større og lysare invendig.
I 150 år har den ligge kvit og høgreist ved hovudvegen, og vore rom for både glede og sorg. Tidlegare kyrkjer sto på middelalderkyrkjegarden nede ved elva.
Altertavla som står i kyrkja er spesiell. Den er laga i 1611, og har pryda tre kyrkjer på Nedstrand. Altertavla ber namnet Tru, håp og kjærleik. Det same står inngravert i kyrkjeklokkene som heng i tårnet. Orgel ble instalert i 1907 bygd av A Landrogs Orgelfabrikk i Haugesund. I 1989 ble det erstatta av nytt orgel levert av Bruno Christensen & Sønner Aps i Danmark.
I anledning jubileet i 2018 vart boka Nedstrand kyrkje 150 år I tru håp og kjærleik utgjeven. (Nils Olav Østrem er redaktør). Boka kan kjøpast frå kyrkjekontoret.
----------------------------------------------------------
Skjoldastraumen kyrkje
Skjoldastraumen kyrkje, tidlegare også kalla Vordeneste/Skjoldastraumen kapell, ble vigsla i 1910. Teikna av arkitekt Einar Halleland, som også har teikna Vår Frelser kyrkje i Haugesund. Kyrkja skil seg ut i form og utforminga av kyrkja er sterkt inspirert av stavkyrkjearkitekturen og kan på eit vis samanliknast med Holmekollen kapell frå 1903.
Kyrkja romma opprinneleg 186 sitteplasse pluss 66 på galeriet. Det første orgelet fekk kapellet i 1938, bygd av A Landrogs Orgelfabrikk i Haugesund. Nytt orgel blei instalert i 1987 bygd av Robert Gustavsson Orgelbyggeri i Sverige.
I anledning jubileet i 2010 ble boka Nær Straumen Skjoldastraumen kyrkje 100 år utgjeven. (Redaktør Nils Olav Østrem) Boka kan kjøpast frå kyrkjekontoret.
